Зарим газраар 15 см цасан бүрхүүл тогтжээ
ОРОН НУТГИЙН МЭДЭЭ | ДУНДГОВЬУрьд шөнө Дундговь аймгийн нийт нутгийг хамран хур тунадас орлоо. Өлзийт сумын нутагт бороо орсон бол Сайхан- Овоо, Өндөршил сумын нутгаар цас бороо холилдож, бусад нутгаар нойтон цас оржээ.
Хамгийн ихдээ Гурвансайхан, Өлзийт, Дэрэн сумын нутгаар 17.4-19.0 мм, Дэлгэрхангай, Эрдэнэдалай, Говь-угтаал сумын нутаг болон Мандалговь хотод 10.0-14.0 мм, бусад сумын нутгаар 4.4-9.0 мм хур тунадас орсон. Өнөө өглөө 8 цагийн байдлаар Дэрэн, Эрдэнэдалай, Баянжаргалан сумын нутгаар цасны зузаан 14-15 см, Луус, Цагаандэлгэр, Сайнцагаан сумын нутагт 8-10 см, бусад нутгаар 0-2 см цасан бүрхүүл тогтсон байна.
Шөнөдөө нийт нутгаар 0-7 градус хүйтэн хоносон бөгөөд энэ сарын 11- нийг хүртэл өдөртөө 4- 6 градус дулаан байх төлвийг аймгийн УЦУОШ- ний газраас мэдээллээ. Аравдугаар сарын дунд арав хоногт хур тунадасгүй байх бол сүүлийн арав хоногт дахин хур тунадас орж, агаарын температур -4 градуст шилжихээр байгаа ажээ.
Т. Отгонтуяа