Улаанбаатар
Монгол Улсын хөгжлийн 2026 оны төлөвлөгөөний төсөл, төлөвлөлтийн талаар танилцуулав
МОНГОЛЫН МЭДЭЭ | НИЙГЭМ
Улаанбаатар, 2025 оны дөрөвдүгээр сарын 2 /МОНЦАМЭ/. Эдийн засаг, хөгжлийн яам, МҮХАҮТ-тай хамтран “Улсын хөгжлийн 2026 оны төлөвлөгөө” олон талт хэлэлцүүлгийг өчигдөр зохион байгуулав.
Хэлэлцүүлгийн үеэр тус яамны Хөгжлийн нэгдсэн бодлого, төлөвлөлтийн газрын дарга Ц.Эрдэнэбат “Улсын хөгжлийн 2026 оны төлөвлөгөө”-ний төсөл болон хөгжлийн бодлого, төлөвлөлтийн талаар танилцуулсан юм. Тэрбээр бизнесийн орчинг сайжруулахад төр хувийн хэвшлийн хамтын ажиллагааг дэмжин, цаашид хөгжлийн бодлого, төлөвлөлтөд хувийн хэвшлийн оролцоог нэмэгдүүлэхэд хамтран ажиллах талаар мэдээллээ.
“Монгол Улсын хөгжлийн 2026 оны төлөвлөгөөний төсөл”-ийг ”Хүн төвтэй” хөгжлийн үзэл санаанд нийцүүлэн бизнесийн орчны шинэчлэл, чөлөөт эдийн засгийг цогцлоох”-ыг зорьж, “Бүсчилсэн хөгжил”, “Хүний хөгжил”, “Эдийн засаг”, “Хүний эрхийг дээдэлсэн засаглалын бодлого” гэсэн дөрвөн үндсэн бодлогын тэргүүлэх чиглэлийн хүрээнд боловсруулсан байна.
Хэлэлцүүлэгт хувийн
хэвшил, бизнес эрхлэгч болон мэргэжлийн холбоодын төлөөлөл оролцож, санал солилцжээ.
