Улаанбаатар
Азийн өвлийн наадмын галт бамбар, медаль, сүлд дууг танилцуулжээ
ДЭЛХИЙН МЭДЭЭ | СПОРТ
ХАРБИН, 2024 оны аравдугаар сарын 31 /Xinhua/. Хятадын Харбин хотноо 2025 онд болох Азийн өвлийн наадмын галт бамбар, медаль, сүлд дууг лхагва гарагт албан ёсоор танилцуулжээ.
Галт бамбарын загварыг Азийн өвлийн IX наадам эрч хүч, хүсэл тэмүүллээр дүүрэн байхыг бэлгэдэн бүтээсэн бөгөөд өндөр нь 735 мм, оройн диаметр нь 115 мм, бариулын диаметр нь 50 мм байна.
Мөн Азийн өвлийн наадмын “Spirit of Speed” нэртэй медалийг олон нийтэд танилцуулжээ. Медалийн нүүрэн хэсэгт морин уралдааны замын хэлбэрийг Азийн өвлийн IX наадмын бэлгэ тэмдэгтэй хослуулсан нь тамирчдын хүчирхэг, хээнцэр хөдөлгөөнийг санагдуулах ажээ. Харин ар талд нь Хятадын үзэсгэлэнт байгалийг дүрсэлсэн байна.
Азийн өвлийн наадмын сүлд дуу нь “Харбины цас” нэртэй бөгөөд үг, аялгуу нь Азийн орнууд, бүс нутгийн ард түмний эв нэгдэл, найрамдал, энх тайван, хөгжлийн төлөөх хамтын хүсэл эрмэлзэл, хүн төрөлхтний хамтын ирээдүйтэй хамтын нийгэмлэгийг байгуулахын төлөөх зорилгыг илэрхийлжээ.
Азийн өвлийн IX наадам Харбинд 2025 оны хоёрдугаар сарын 7-14-ний өдрүүдэд болно.
