Франц улсын Иргэдийн төлөөлөгчдийн зөвлөлийн тэргүүнийг хүлээн авч уулзав

dogsom@montsame.mn

2018-08-29 10:21:40

Улаанбаатар /МОНЦАМЭ/. Гадаад Харилцааны сайд Д.Цогтбаатар Франц улсын Төв муж болох Ил-дө-Франс мужийн Иргэдийн төлөөлөгчдийн зөвлөлийн тэргүүн дэд ерөнхийлөгч, Үндэсний Ассамблейн гишүүн асан ноён Жером Шартьег хүлээн авч уулзав.
Сайд Д.Цогтбаатар Монгол, Францын харилцаа, хамтын ажиллагааг өргөжүүлэн хөгжүүлэхэд ноён Жером Шартьегийн 2002 оноос хойш оруулж буй хувь нэмэр, дэмжлэгт талархал илэрхийлж, Монгол Улсын өнөөгийн нийгэм, улс төр, эдийн засгийн хөгжил, зорилт, Монгол, Францын хамтын ажиллагаа зэрэг асуудлаар санал солилцов.
Жером Шартье цаашид Монгол Улстай хэрэгжүүлэхээр төлөвлөж буй ажлуудаа танилцуулав. Тэрээр 2002-2017 оны хугацаанд Францын Үндэсний ассамблейн гишүүнээр 3 удаа сонгогдож байсан ба энэ хугацаандаа Үндэсний ассамблей дэх Франц, Монголын найрамдлын бүлгийн даргаар идэвхтэй ажилласны сацуу хоёр орны хамтын ажиллагааг бүхий л салбарт бэхжүүлэхэд ихээхэн дэмжлэг үзүүлж байдаг улс төрч юм.

Франц улсын Иргэдийн төлөөлөгчдийн зөвлөлийн тэргүүнийг хүлээн авч уулзав

Холбоотой мэдээ

Румын Улстай боловсрол, онцгой байдал, зам тээврийн салбарт хамтарна

Худалдааны харилцааг идэвхжүүлэх чиглэлээр хамтран ажиллахад бэлэн байгаагаа илэрхийлэв

Монгол, Колумби Улсын хооронд Техникийн хамтын ажиллагааны тухай санамж бичигт гарын үсэг зурав

Монгол, Беларусийн хамтын ажиллагааг өргөжүүлэх хүрээнд санал солилцов

“Феминист гадаад бодлого+” бүлгийн сайд нарын уулзалт болов

Монгол Улсын Соёлын элч-Морин хуурын чуулга Сиднейн Дуурийн театрт анх удаа тоглолоо

Гадаад харилцааны сайд Б.Батцэцэг Австралийн олон улсын харилцааны хүрээлэнд илтгэл тавив

Гадаад харилцааны сайд Б.Батцэцэг Австралийн Холбооны Улсад айлчилна

Өргөмжит консулуудын X зөвлөлдөх уулзалт болов

бидэнтэй нэгдэх

Хандалт