Ulaanbaatar
БАЯНХОНГОР: Хүйтний эрч бага зэрэг чангарна
ОРОН НУТГИЙН МЭДЭЭ | БАЯНХОНГОР
Баянхонгор, 2025 оны нэгдүгээр сарын 8 /МОНЦАМЭ/. Энэ сарын 9-13-ныг хүртэлх тав хоногийн цаг агаарын урьдчилсан мэдээгээр хугацааны турш хүйтний эрч бага зэрэг чангарахаар төлөвтэй байна.
Энэ сарын 9, 10-нд үүлшинэ, бусад хугацаанд багавтар үүлтэй. 9-нд говийн нутгийн өмнөд хэсгээр, 11-нд зарим газраар ялимгүй цас орно.
Салхи 10, 11-нд Алтайн салбар уулсын нутгаар секундэд 9-12 метр, түр зуур 14-16 метр хүрч ширүүснэ. Бусад нутгаар баруунаас секундэд 3-8 метр.
Агаарын температур: Хүйтний эрч бага зэрэг чангарч Баянбулаг, Гурванбулаг, Заг, Байдрагийн хүрэн бэлчирээр шөнөдөө -30-35 градус, өдөртөө -18-23 градус, Галуут, Эрдэнэцогт, Шаргалжуутын нутгаар шөнөдөө -24-29 градус, өдөртөө -12-17 градус, бусад нутгаар шөнөдөө -19-24 градус, өдөртөө -5-10 градус хүйтэн байна.
