Улаанбаатар
Оросын сансрын нисгэгчид Монголд зочиллоо
ДЭЛХИЙН МЭДЭЭ | НИЙГЭММОСКВА. /newsbabr/. Зөвлөлт-Монголын сансрын хамтарсан нислэгийн 35 жил, Зөвлөлт Социалист Бүгд Найрамдах Холбоот Улстай дипломат харилцаа тогтоосны 95 жил ой гэсэн хоёр түүхэн дурсгалт өдөртэй холбоотой арга хэмжээ Монголд үргэлжилсээр байна.
Уг арга хэмжээний хүрээнд хоёр хүндэт зочин Монголд зочилсон нь ЗХУ-ын хошой баатар, хошууч генерал Алексей Леонов, ЗХУ-ын хошой баатар, хошууч генерал Владимир Жанибеков нар юм. Зөвлөлтийн алдартай сансрын нисгэгчдийн хамт Унгар улсын баатар, ЗХУ-ын баатар, хошууч генерал Берталан Фаркаш Монголд иржээ.
Сансрын нисгэгчдийг Монголын Ерөнхий сайд Ч.Сайханбилэг хүлээн авсан байна. Уулзалтад Монголын сансрын нисгэгч Ж.Гүррагчаа болон түүний орлон нисгэгч М.Ганхуяг оролцжээ.
В.Жанибеков 15 дахь удаагаа Монголд айлчилж байгаа нь энэ юм. Харин А.Леоновын хувьд Улаанбаатар хотод 8 дахь удаагаа төрсөн өдрөө тэмдэглэлээ.
Албан ёсны уулзалтын үеэр Монгол Улсын Ерөнхий сайд тус улсын төрийн өндөр дээд шагнал болох “Алтан гадас” одонг Берталан Фаркашт гардуулсан байна.
Д.Жаргал
