Англи иргэний давтан шинжилгээний хариу сөрөг гарчээ
ОРОН НУТГИЙН МЭДЭЭ | УВСУвс /МОНЦАМЭ/. Бөхмөрөн сумын Ямаат ууланд тусгаарлагдаад байгаа англи иргэний давтан шинжилгээний
хариу сөрөг гарсан байна. Өөрөөр хэлбэл, түүнээс коронавирусний халдвар
илрээгүй аж.
Түүнтэй хамт тусгаарлагдаад байсан бусад хүмүүсийн
шинжилгээний хариу ч мөн сөрөг гарсан байна. Анхны болон давтан шинжилгээг аймгийн
Онцгой комиссоос томилогдсон тусгай ажлын баг очиж авсан бөгөөд улмаар
аймгийн төв рүү тээвэрлэн ирж, эмнэлгийн машинаар Улаанбаатар хотын ХӨСҮТ-д
хүргүүлсэн юм. Англи иргэний биеийн байдал одоогоор хэвийн байгаа бөгөөд ажиглан тусгаарлалтын хугацаа дуусах болоогүй байна.