Жаргалант сумын гэр хорооллын айл өрхөд нүүрс үнэгүй олгоно
ОРОН НУТГИЙН МЭДЭЭ | ХОВДХовд /МОНЦАМЭ/. Ховд аймагт бүх нийтийн бэлэн байдлын зэрэгт шилжсэнтэй холбогдуулан Жаргалант сумын гэр хорооллын зарим айл өрх түлшний дутагдалд оржээ.
Иймээс аймгийн Онцгой комиссоос "Мо-Эн-Ко" ХХК-тай хамтран 240 тонн
нүүрс татан авч, аймгийн төв буюу
Жаргалант сумын гэр хорооллын айл өрх тус бүрт нэг уут нүүрсийг үнэгүй олгохоор
шийдвэрлэлээ.
Өнөөдрийн байдлаар "Мо-Эн-Ко" ХХК-ийн Хөшөөтийн нүүрсний уурхайгаас 175 тонн нүүрс татан авч, айл өрхүүдэд түгээхэд бэлэн болгожээ. Түгээлтийг өнөөдрөөс эхлэн гурав хоногийн хугацаанд зохион байгуулах аж.