Химийн хортой, аюултай бодисын асуудал хариуцсан салбар зөвлөл байгуулах санал гаргав
Дархан-Уул /МОНЦАМЭ/ Дархан-Уул аймагт химийн хорт болон аюултай бодис ашиглаж байгаа аж ахуйн нэгж байгууллагын 54 хувь нь энэ талаар тусгай зөвшөөрөлгүй, химийн хорт болон аюултай бодис хадгалах агуулахын байршил стандартын шаардлага хангаагүй, эрсдэлийн үнэлгээ хийлгээгүй зэрэг зөрчлүүд саяхан хийсэн шалгалтаар илэрчээ. Мэргэжлийн хяналтын газраас “Химийн хорт болон аюултай бодис, ургамал хамгаалах бодис, бордооны ашиглалт, хадгалалт, устгалын өнөөгийн байдал цаашид авах арга хэмжээний тухай” мэдээллийг аймгийн ИТХ-ын Тэргүүлэгчдийн хуралд танилцуулахдаа дээрх баримтыг онцолсон юм.
2361 өдөр