Хөгжимт драмын театрыг Н.Оргийн нэрэмжит болголоо

sarantsetseg@montsame.gov.mn

2015-09-18 17:43:57

Энэ онд 30 жилийн ойгоо тэмдэглэж буй Өвөрхангай аймгийн ХДТ-ыг Соёлын гавьяат зүтгэлтэн Наянтайн Оргийн нэрэмжит болгох шийдвэрийг аймгийн ИТХ-аас гаргалаа.

Н.Орги нь 1915 онд Сайн ноён хан аймгийн Агь үйзэн гүний хошуу, одоогийн Өвөрхангай аймгийн Тарагт суманд төрсөн агаад тус аймагт анхны Улаан гэрийг байгуулж, ухуулагч, жүжигчин, найруулагч, нярав, галчаар ажиллаж байсан хүн юм. Тэрээр 150 гаруй жүжиг, 100 гаруй концерт найруулан, 40 гаруй дүрд тоглож, дэлхийн сонгодог болон өөрийн орны шилдэг зохиолчдын, мөн орон нутгийн залуу зохиолчдын 20 гаруй жүжгийг найруулан тайзнаа тавьж, Өвөрхангай аймгийн театрыг үүсч хөгжихөд үнэтэй хувь нэмэр оруулсан шилдэг уран бүтээлч аж.
Тиймээс тус байгууллагын 30 жилийн ой, Соёлын гавьяат зүтгэлтэн Наянтайн Оргийн мэндэлсний 100 жилийн ойг тохиолдуулан тус театрыг Н.Оргийн нэрэмжит болгох хүсэлтийг байгууллагаас гаргаж, аймгийн удирдлагууд Засгийн газрын 2010 оны 172 дугаар тогтоолоор батлагдсан Түүхэн үйл явдлын ой, тэмдэглэлт өдрийг тэмдэглэх, гавьяат үйлстнийг алдаршуулах, дурсгалыг нь мөнхжүүлэх журмын 6,4 дэх заалтыг үндэслэн ийнхүү шийдвэрлэжээ.

Хөгжимт драмын театрыг Н.Оргийн нэрэмжит болголоо

Холбоотой мэдээ

ӨВӨРХАНГАЙ: Дотоодын цэргийн 833 дугаар тусгай салбарыг шинээр байгууллаа

ӨВӨРХАНГАЙ: Аймгийн шав тавьсан газар хоёр гэрэлт хөшөө босгожээ

Г.Өнөболд: Ерөөл, магтаал хэлж буй газар хүндлэл, сайн сайхан зүйлс оршдог

Хүний эрхийн үндэсний комиссын ажлын баг Өвөрхангайд ажиллалаа

ӨВӨРХАНГАЙ: Цэрэг татлагад залуучууд идэвхтэй оролцож байна

ӨВӨРХАНГАЙ: Шуурганд төөрсөн 20 иргэнийг эсэн мэнд олов

Өвөрхангай аймагт махны гурван үйлдвэр ажиллаж байна

Б.Энх-Очир: Монгол бичиг бол бидний монгол хүн болохыг батлах баталгаа, тамга тэмдэг юм

ӨВӨРХАНГАЙ: Арвайхээр сумын ЗДТГ-аас цахим мэдээг хос бичгээр нийтэлж байна

Сэтгэгдлүүд

бидэнтэй нэгдэх

Хандалт