Улаанбаатар
БАЯНХОНГОР: Хүйтний эрч эрс чангарч, зарим суманд -40 хэм хүрч хүйтэрнэ
ОРОН НУТГИЙН МЭДЭЭ | БАЯНХОНГОР
Баянхонгор, 2025 оны нэгдүгээр сарын 20 /МОНЦАМЭ/. Энэ сарын 24-нөөс хүйтний эрч эрч чангарч, өвлийн оргил хүйтрэлт 25-26-ны өдрүүдэд тохиох төлөвтэй байгааг ЦУОШГ-аас мэдээллээ.
25-ны баасан гаргаас 26-ны ням гарагт шилжих шөнө Баянхонгорын Гурванбулаг сумын нутгаар -38-40 хэм, Баянбулаг сумын нутгаар -36-38 хэм, Заг, Галуут, Эрдэнэцогт сумын нутгаар -32-36 хэм хүрч хүйтэрнэ. Хүйтний эрч 3-4 хоногт хадгалагдах төлөвтэй байгааг тус газраас сануулав.
Мөн 24-нд хангайн уулархаг нутгийн зарим, 25-нд говийн нутгийн зарим газраар бага зэрэг цас орно. 24, 25-нд хээр тал болон говийн нутгаар баруун хойноос 12-14 м/с, зарим үед 18 м/с хүртэл ширүүсч цасан болон шороон шуурга шуурна.
